लाइसेन्स वितरणको तयारीमा कार्यालय

यस यातायात व्यवस्था कार्यालय, कलङ्की (ठूलोभर्‍याङ) मा २०८३ वैशाख १५ गते प्राप्त भएका स्मार्ट कार्डहरूको वितरणका सम्बन्धमा सेवाग्राहीहरूको जानकारीका लागि यो सूचना प्रकाशित गरिएको छ ।

गत अप्रिल १३ तारिखको 'डिस्प्याच' मिति राखी विभागबाट प्राप्त भएका ४०,२७६ थान कार्डहरूको सूचीमा Applicant ID उल्लेख नभएको र सूचीको क्रम तथा प्राप्त कार्डहरूको क्रम नमिलेका कारण तत्कालै वितरण कार्यमा कठिनाइ उत्पन्न भएको छ ।

सेवाग्राहीहरूलाई झन्झटमुक्त र व्यवस्थित रूपमा कार्ड उपलब्ध गराउनका लागि अहिले कार्यालयका कर्मचारीहरू बिहान-बेलुका र सार्वजनिक बिदाका दिनमा समेत खटिएर कार्डहरूको क्रम मिलाउने र अभिलेखीकरण गर्ने कार्यमा व्यस्त रहेका छन् । यो व्यवस्थापनको कार्य सम्पन्न गर्न अझै २-३ दिन लाग्ने देखिएको छ ।

तसर्थ, कार्ड वितरणको कार्य सम्भवतः यही बिहीबार (२०८३ वैशाख १० गते) देखि सुरु गरिने व्यहोरा अनुरोध छ । साथै, सेवाग्राहीको चापलाई मध्यनजर गर्दै कार्डको क्रम मिलाउने कार्य सकिएलगत्तै आउने शनिबार र आइतबार (बिदाका दिन) समेत निरन्तर रूपमा कार्ड वितरण गर्ने योजना कार्यालयले बनाएको छ ।

धैर्यता र सहयोगका लागि हामी सम्पूर्ण सेवाग्राहीहरूमा हार्दिक आभार व्यक्त गर्दछौँ ।